இனிய கவிதை உலா

இனிய கவிதை உலா இனிதே வரவேற்கிறது கவிதைகள், சிறுகதைகள், பயனுள்ள தகவல்
ஆன்மிக கவிதைகள் லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
ஆன்மிக கவிதைகள் லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி

வெள்ளி, 2 ஜூன், 2017

பண்ணாரி அம்மன்- பாடல்

             கொங்கு நாட்டிலே
                                எங்கள் தெய்வமாய் வாழும் பண்ணாரி !
                                சங்கத் தமிழாக
              சதிராடி விளையாடும் எங்கள் பண்ணாரி!



புதன், 5 அக்டோபர், 2016

அருளின் ஜோதி –கவிதை

பொருளென்றால் பேய்காக்கும் பிணங்க ளெலாம்
பேராசைக் கொண்டேதான் வாய்பி ளக்கும்!
அருளென்றால் என்னவென்று எங்கே என்றே
அகிலத்தின் மாந்தரெலாம் கேள்வி கேட்பர்!


வெள்ளி, 29 ஏப்ரல், 2016

புதன், 20 ஏப்ரல், 2016

தாயானவள்


தாயானவள்

ஆலிலை மாதவன் அருகினில் அமர்ந்தவள்
அலைமகள் வடிவானவள்
காலத்தால் அழியாத காவியம் யாவிலும்
கலைமகள் என ஆனவள்

மாலையைச் சூட்டியே மகிழ்வாக ஆடிடும்
மகேசனின் உமையானவள்
நாளையப் பொழுதினும் நல்லவை ஆக்கிட
நல்சக்தி பல வடிவானவள்

மஞ்சளிலே விளையாடி வேம்பதனில் உறவாடி
மாவிளக்கினில் மருளாடுபவள்!
கொஞ்சுகிளி குரலாடி கோவைஇதழ் சிரிப்பாடி
கண்ணசைவில் மீனானவள்!

அருளாடி மருளாடி ஆர்ப்பரிக்கும் அரிமாவின்
அரியணையில் அருளானவள்!
விரும்பாத பேருக்கும் வினைகள் போக்குகின்ற
பேரன்பு தாயனவள்!

கே. அசோகன்.
http://kavithaigal0510.blogspsot.com




சனி, 12 மார்ச், 2016

அகிலத்து நாயகியே !

அகிலத்து நாயகியே

கல்லும் கனிய கவிபாடி நான் அழைக்க
கண்முன் தோன்றாயோ சிவசக்தி
உள்ளும் புறமும் உன்னை வைத்து
ஓயா(து) நினைப்பேன் ஓடிவா ஓங்காரி

அன்பே! ஆனந்தமே!அருள்சுரக்கும் கற்பகமே!
பண்பே! பைந்தமிழேபவளவாய் சிரிப்பழகே!‘
விண்ணேவிண்வியக்கும் வெற்றி திருமகளே!
கண்ணே! கருமணியே! கருணை வடிவானவளே!




வியாழன், 3 மார்ச், 2016

முருக வேல் !

வழிநடத்தும் முருகவேல்!
ஆறுமுகங் கொண்டு
சூரபதுமனை வென்று
வீறுநடைக்  கொண்ட வெற்றிவேல்!

நீறுமுகம் கொண்டு
நிறைஞானம் வழங்கிடும்
ஆறுபடைக் கொண்ட தணிகைவேல்!

தோகைமயில் அமர்ந்து
துணையாக துள்ளிவந்து
தேனும் தினைக்கு தேடிவரும் வேல்!

கானம் நிதம்பாடி
கற்கண்டு தமிழிசைக்க
ஊனிலும் உயிரிலும் உறையும் முருகவேல்

ஆணவம் அழிபடவும்
ஞானம் வசப்படவும்
வேலனைக் கைதொழது வேண்டுவோமே!



--- கே. அசோகன்.


வெள்ளி, 26 பிப்ரவரி, 2016

பூந்தமிழை அளிப்பாய்!

பூந்தமிழை அளிப்பாய்!
சுந்தரவேலவா இன்னுமேன் தயக்கம்
----சுந்தர வடிவினிலே மயக்கம்!
வந்தனங்கூறி வணங்கிட அருள்வாய் புள்ளி
---வண்ணகலாப மேறி தமிழைத் தருவாய்!
                     சுந்தர வேலவா
குன்றேறி வந்திடுவேன் நாளும்நின்
--- குன்றாபுகழ் பாட கவிகள் தா-தா!
தென்றல்தனில் தமிழிசை உலவிடும்சுவை
--- தேமதுரதமிழ் என்நாவினில் நிலவிடும்
                     சுந்தர வேலவா
மங்காத நின்னழகை நான் பாடஎன்றும்
---மங்கா அழகுவள்ள்ளி தனைகூடி
பொங்கிடும் இன்பத்திலே களிப்பாய்! – எனக்கு
--- பூந்தமிழை மனத்தினிலே அளிப்பாய்!

                      சுந்தர வேலவா
--- கே. அசோகன்.






ஞாயிறு, 21 பிப்ரவரி, 2016

காலத்தை ஆள்பவளே !

காலத்தை ஆள்பவளே!










அத்திப்பழத்து புழுவென அடங்கியே அவனியில்
தத்தளிக்கிறேன் தாயே! தரணிபுகழ் உமையவளே!
எத்-திக்கும் இருப்பவளே! ஈசனது உயிர்த்துடிப்பே!
எத்துனை இடர்வரினும் எந்நாளும் 

நின்மலரடி தொழுவேன்உறைபவளே உள்ளத்துள் 
ஒளிந்துள்ள மறைபொருளேமறைபொருளின் 
கருத்துருவே! மாயனவன் இளையவளே!
குறைகளைப் பொறுத்தருளும் குவலயத்து தாயன்பே!
நிறைஞானம் நிறைந்தவளே! நெஞ்சமெலாம் இனிப்பவளே!
தஞ்சமென்று தாள்பணிய தாயாகி அணைப்பவளே!
கொஞ்சிவரும் பேரழகு(கே) கிளிப்பிள்ளை சுமப்பவளே!
மஞ்சளுக்கு மனமுவந்து மயங்கிநிற்கும் மலரெழிலே!
விஞ்சவில்லை எவர்புகழும் வேலவனை ஈன்றவளே!
கண்களிளோ கருணைமழை கனகதார குலக்கொழுந்தே!
அன்பென்னும் அமுதத்தை அள்ளியள்ளி தருபவளே!
கன்னலைக் கைக்கொண்டே காலத்தை ஆள்பவளே!
இன்னல்கள் யாவையும் இல்லாமற் செய்பவளே!
பொன்பொருளும் பொல்லாப் புகழும் வேண்டேன்!
கண்மலரில் உனைவைத்து கவிபாடி நான் கிடந்துஉன்னடி நினைந்துருகும் உண்மை மனம் வேண்டினேன்!
அன்னையே! அகிலமே! அள்ளித்தா! அருளையே!
n  கே. அசோகன்நன்றி --- தமிழ்நானூறு            மார்ச் 2002





நடேசனவன் தவச்சூடே !

நடேசனவன் தவச்சூடே!

சொல்லுக்குள் அடங்காத சுந்தரியே சௌந்தரியே
சுடர்விளக்கே! செங்கமல மீதமர்ந்த சொர்ணமே
நெல்லுக்கும் புல்லுக்கும் அருளாகி நிற்பவளே!
நெடுந்தவத்தில் நிற்கும் நடேசனவன் தவச்சூடே!

அங்காள ஈஸ்வரியே ஆதிபரா சக்தியே
பொங்கல் வைத்து படையல் போட்டால்
எங்கிருந்த போதிலும் இல்லம்தேடி வருபவளே!
திங்கள்சூடும் தேவனவன் தேவியே நீயம்மா!

தவமேற்கும் சித்தர்தம் சித்தத்தில் உள்ளவளே!
தென்கிழக்கு கடலோரம் கன்னியாய் நிற்பவளே!
புவனத்தை ஆள்கின்ற புவனேஸ்வரி நீதானே!
அவனிதுயர் தீர்ப்பவளே! அருள் மீனாட்சியே!

புறஅழுக்கை கழுவவே குளிக்கிறேன் நாளும்
புகுந்துநிற்கும் மனஅழுக்கை போக்கிடவே நாளும்
அரைநொடி ஆகினும் அடியேன் மனக்குகையில்
அமர்ந்தே அருளாட்சி செய்திடுவாய் அம்பிகையே!

n  கே. அசோகன்
நன்றிஅம்மன் தரிசனம்

                        ’’லை 2002


உன்னடியில் மலர்தூவி !-

உன்னடியில் மலர் தூவி

ஆத்தாளே அபிராமி அங்கயற்கண் மீனாட்சி
பூத்தாளே பொற்கலசம் தாங்கும் இடையாளே!
கூத்தாடும் தில்லைநாதன் கூடிடும் எழிலாளே!
காத்தாடி போலவே என்மனம் அலையுதம்மா!

சின்னநடைப் போட்டு செம்பட்டு தானுடுத்தி
கன்னங்குழி விழவே! கனிவாய் நீ சிரித்து
என்னருகே நீயமர்ந்து சேயாக நீயிருக்க
உன்னடியில் மலர்தூவி தாயாக நானிருந்தேன்!

கருங்கூந்தல் தான்பின்னி நறுமலர்கள் சூட்டிட்டு
சிறுவிரல்கள் தன்னிலே செங்குழம்பும் இட்டிடவே
நறுமண சந்தனமும் அகிலுமே பூசிட்டு
கருத்தாக கவிபாடி கண்மூடி நான் கிடப்பேன்!

உறவாடி கெடுக்கின்ற உலகத்திலே! உன்றன்
உறவாலே உனை பாடி வாழந்தாலே போதும்!
நிறைவாக என்நெஞ்சம் குளிர்ந்திருக்கும் ! கருணை
அருள்பார்வை என்றுமே நிலைத்திருக்குமே!


-கே. அசோகன்.




ஞாயிறு, 14 பிப்ரவரி, 2016

பேரருளை தாரும் அம்மா !

பேரருளை தாரும் அம்மா

மெல்லிய மலர்தாளினைத் தொட்டுஇந்த
மேனிதன்னை மண்தன்னில் இட்டு
           வணங்கினேன் அன்னையே!-
           வந்தமர்வாய் என்னிலே!
உள்ளத்தில் எண்ணங்கள் பலகோடிஉலகில்
உள்ளதெல்லாம் நாளுமே தேடி
           வாழ்ந்தாலும் இல்லை நிம்மதிஉனை
           வாழ்த்துதலே எனக்கு வெகுமதி!
ஞானத்தைப் புகட்டிடும் தாயே! – என்றன்
மோனத்தில் நிலைத்திடு வாயே!
           என்றென்றும் அருளாலேஇனிய
           எழிலரசி கருணையாலே!
மணிமகுட வைரமென இராமல்உன்
மலர்பாத விரல்களிலே சிறுவிரலாய்
           இருப்பதே நல்லபேறு!
           ஈஸ்வரியே நல்வாக்கு கூறு!
மெய்யுருக்கி மனமடங்க வழிகாட்டிஎன்
கைவிரல் பிடித்து உன்னிலே பூட்டி
           பிறவிப்பிணி தீரும் அம்மா!
           பேரருளை தாரும் அம்மா!

n  கே. அசோகன்
நன்றிதமிழ் நானூறு
       மே 2002





பேறுபதினாறு பெறலாம்

பேறுபதினாறு பெறலாம்

கண்ணின்வழி காட்சிகள் பலவும்
கவிதைவழி கருத்துகள்  பெறலாம்!
பெண்ணின்வழி தாய்மை உணர்வு
பூக்கள்வழி வாசமும் பெறலாம்!


விண்ணின்வழி மழைபனியும்
வெளிச்சமும் நன்றாய் பெறலாம்
காவின்வழி தழுவும் தென்றல்
தருக்கள்தரும் கனிகளும் பெறலாம்!

ஆற்றின்வழி நல்பாசனம், நாம்
அருந்த நல்நீரும் பெறலாம்!
ஆற்றல்வழி வெற்றி பலவும்
அடைந்திட வசந்தம் பெறலாம்!

அமைதிவழி மகிழ்ச்சி நன்மை
ஆண்டவனின் அருளும் பெறலாம்!
சமையல்வழி அருஞ்சுவை உணவும்
சாப்பிட்டு உடல்நலமும் பெறலாம்!

காற்றின்வழி தென்றல் குளுமை
களித்திட என்றும் பெறலாம்!
நாற்றின்வழி கதிர்முற்றி நல்ல
தானியங்கள்  நாமும் பெறலாம்!

அன்புவழி ஒழுக்கம் மேன்மை
அருந்தவ பயனும் பெறலாம்
பண்புவழி பாசம் நேசம்
பரிவுடன் என்றும் பெறலாம்

உழைப்புவழி உயர்ந்த வாழ்வும்
உன்னத நலனும் பெறலாம்!
எண்ணும்வழி மேன்மை யானால்
இனிதே பேறுபதினாறு  பெறலாம்!
----- கே. அசோகன்.




Related Posts Plugin for WordPress, Blogger...