இனிய கவிதை உலா

இனிய கவிதை உலா இனிதே வரவேற்கிறது கவிதைகள், சிறுகதைகள், பயனுள்ள தகவல்

ஞாயிறு, 21 பிப்ரவரி, 2016

நடேசனவன் தவச்சூடே !

நடேசனவன் தவச்சூடே!

சொல்லுக்குள் அடங்காத சுந்தரியே சௌந்தரியே
சுடர்விளக்கே! செங்கமல மீதமர்ந்த சொர்ணமே
நெல்லுக்கும் புல்லுக்கும் அருளாகி நிற்பவளே!
நெடுந்தவத்தில் நிற்கும் நடேசனவன் தவச்சூடே!

அங்காள ஈஸ்வரியே ஆதிபரா சக்தியே
பொங்கல் வைத்து படையல் போட்டால்
எங்கிருந்த போதிலும் இல்லம்தேடி வருபவளே!
திங்கள்சூடும் தேவனவன் தேவியே நீயம்மா!

தவமேற்கும் சித்தர்தம் சித்தத்தில் உள்ளவளே!
தென்கிழக்கு கடலோரம் கன்னியாய் நிற்பவளே!
புவனத்தை ஆள்கின்ற புவனேஸ்வரி நீதானே!
அவனிதுயர் தீர்ப்பவளே! அருள் மீனாட்சியே!

புறஅழுக்கை கழுவவே குளிக்கிறேன் நாளும்
புகுந்துநிற்கும் மனஅழுக்கை போக்கிடவே நாளும்
அரைநொடி ஆகினும் அடியேன் மனக்குகையில்
அமர்ந்தே அருளாட்சி செய்திடுவாய் அம்பிகையே!

n  கே. அசோகன்
நன்றிஅம்மன் தரிசனம்

                        ’’லை 2002


Related Posts Plugin for WordPress, Blogger... Related Posts Plugin for WordPress, Blogger...

கருத்துகள் இல்லை:

கருத்துரையிடுக

கருத்துகளை வழங்கலாமே! ஊக்கமாய் இருக்கும்

Related Posts Plugin for WordPress, Blogger...