இனிய கவிதை உலா

இனிய கவிதை உலா இனிதே வரவேற்கிறது கவிதைகள், சிறுகதைகள், பயனுள்ள தகவல்

ஞாயிறு, 21 பிப்ரவரி, 2016

உன்னடியில் மலர்தூவி !-

உன்னடியில் மலர் தூவி

ஆத்தாளே அபிராமி அங்கயற்கண் மீனாட்சி
பூத்தாளே பொற்கலசம் தாங்கும் இடையாளே!
கூத்தாடும் தில்லைநாதன் கூடிடும் எழிலாளே!
காத்தாடி போலவே என்மனம் அலையுதம்மா!

சின்னநடைப் போட்டு செம்பட்டு தானுடுத்தி
கன்னங்குழி விழவே! கனிவாய் நீ சிரித்து
என்னருகே நீயமர்ந்து சேயாக நீயிருக்க
உன்னடியில் மலர்தூவி தாயாக நானிருந்தேன்!

கருங்கூந்தல் தான்பின்னி நறுமலர்கள் சூட்டிட்டு
சிறுவிரல்கள் தன்னிலே செங்குழம்பும் இட்டிடவே
நறுமண சந்தனமும் அகிலுமே பூசிட்டு
கருத்தாக கவிபாடி கண்மூடி நான் கிடப்பேன்!

உறவாடி கெடுக்கின்ற உலகத்திலே! உன்றன்
உறவாலே உனை பாடி வாழந்தாலே போதும்!
நிறைவாக என்நெஞ்சம் குளிர்ந்திருக்கும் ! கருணை
அருள்பார்வை என்றுமே நிலைத்திருக்குமே!


-கே. அசோகன்.




2 கருத்துகள்:

கருத்துகளை வழங்கலாமே! ஊக்கமாய் இருக்கும்

Related Posts Plugin for WordPress, Blogger...